Tim Cook៖ ឧបករណ៍ Tablet នឹងលក់ដាច់ជាង កុំព្យូទ័រធម្មតាពេលអនាគត

* ព៌តមានថ្មីៗ — 20 February 2012

CEO របស់ Apple លោក Tim Cook បានធ្វើកំណត់សំគាល់របស់ខ្លួនមួយកាលពីពេលថ្មីៗស្តីអំពីឧបករណ៍ Tablet ដោយបានធ្វើការលើកឡើងថានៅក្នុងប៉ុន្មានឆ្នាំខាងមុខទៀតនេះឧបករណ៍ Tablet នឹងលក់ដាច់មានបរិមាណច្រើនជាង បើធៀបជាមួយនឹងកុំព្យូទ័រធម្មតា(Destop ,Laptop) នោះក៏ព្រោះតែការផ្ទុះកក្រើកឡើងនូវគំរូឧបករណ៍ Tablet ជាច្រើនក៏ដូចជាការធ្វើអោយកាន់តែមានភាពប្រសើរឡើងនូវកម្មវិធីថ្មីៗជាច្រើននិងការផលិតឧបករណ៍នេះកាន់តែមានចំនួនច្រើនឡើងពីមួយថ្ងៃទៅមួយថ្ងៃ។ នៅក្នុងកិច្ចពិភាក្សាមួយនៅឯទីក្រុងSan Francisco ប្រទេសអាមេរិកកន្លងទៅ លោក Tim Cook បាននិយាយថា” ចាប់តាំងតែពីថ្ងៃដំបូងមកម្ល៉េះដែល iPad ត្រូវបានផលិតចេញជារូបរាងឡើង, យើងខ្ញុំបានគិតឃើញថាទីផ្សារឧបករណ៍ talet នឹងប្រែក្លាយកាន់តែមានទំហំធំឡើង ធៀបជាមួយទីផ្សារកុំព្យូទ័រធម្មតា។ ហើយមកដល់ពេលនេះការយល់ ឃើញរបស់ខ្ញុំហាក់ ដូចជាមានភាព កាន់តែរឹងមាំខ្លាំងជាងពេលនោះទៅទៀត”។គិតចាប់តាំងពីពេលដែលបានបង្ហាញវត្តមានជាលើកដំបូងកាលពីឆ្នាំ ២០១០,iPad បានក្លាយជាសមិទ្ធិផល មួយក្នុងចំណោមផលិតផលលេចធ្លោ បំផុតរបស់ Apple ទៀតផង។ ក្នុងនោះទៀតសោតបរិមាណនៃការលក់ចេញនៃសមិទ្ធិផល tablet នេះថែមទាំងបាននាំមុខទាំងកុំព្យូទ័រ Mac រឺ iPod ផងដែរនៅក្នុងត្រីមាសថ្មីៗកន្លងទៅនេះ។ បើយោងតាមការស្ថិតិមានចំនួនប្រមាណជាជាង ៥លានគ្រឿងនៃឧបករណ៍ iPad នេះត្រូវបានលក់ចេញបើគិតមកដល់ពេលបច្ចុប្បន្ននេះ។ តាមលោក Tim Cook, iPhone ត្រូវចំណាយ រយៈពេលរហូតដល់ ៣ ឆ្នាំដើម្បីអាចទទួលបាននូវតួលេខនោះ ខណៈពេលដែល iPad គឺចំណាយពេលវេលាមិនដល់ ២ ឆ្នាំផងនោះ។ CEO របស់ Apple ក៏បានធ្វើការចង្អុលបង្ហាញ អោយឃើញដែរថា បរិមាណនៃការលក់ចេញមិនមែនជាជោគជ័យទាំងស្រុងនោះឡើយ ,ជោគជ័យរបស់ tablet ត្រូវពឹងផ្អែកលើការចូល រួមផ្តើម គំនិតលើ Hardware ក៏ដូចជាកម្មវិធីប្រើប្រាស់ រឺពីអ្នកធ្វើការអភិវឌ្ឍន៍ព្រោះវាគឺជាផ្នែកយ៉ាងសំខាន់បំផុត។បើទោះបីជា ដូច្នោះក្តី ប៉ុន្តែមិនមែន មានន័យថាទីផ្សារ របស់កុំព្យូទ័រធម្មតាត្រូវស្លាប់នោះទេ។លោក Tim Cook លើកឡើងថា កុំព្យូទ័រ ធម្មតាដូចជា desktop និង laptop គឺនៅតែអាចស្ថិតស្ថេរជាប់ជានិច្ច គ្រាន់តែថាដល់ ដំណាក់កាលពេលណា មួយនោះ “ដំណែង” របស់វានឹងត្រូវធ្លាក់ក្នុងដៃរបស់ Tablet វិញម្តងជាក់ជា មិនខាននោះឡើយ។ ក្រុមហ៊ុនស្រាវជ្រាវផ្នែកទីផ្សារមួយឈ្មោះថា IDC កន្លងមកបានធ្វើការ ព្យាករណ៍ទុកថា ស្ទើរតែទាំងអស់នៃអ្នកប្រើប្រាស់ប្រព័ន្ធអ៊ីនធើណែតនៅក្នុងប្រទេសអាមេរិក នឹងចូលទៅកាន់ពិភពអ៊ីនធើណែតតាមរយៈការប្រើប្រាស់នូវឧបករណ៍ smartphone និង tablet ជំនួសអោយការប្រើប្រាស់កុំព្យូទ័រធម្មតារហូតដល់ឆ្នាំ ២០១៥ ។ ដោយឡែកចំពោះក្រុមហ៊ុន Gartner បែរជាលើកឡើងថា នៅកំឡុងពេលប្រហែលជា ៥ ទៅ ១០ ឆ្នាំខាងមុខទៀត កុំព្យូទ័រ ធម្មតានឹងមានមុខងារដូចជាឧបករណ៍tablet ដូច្នោះដែរដើម្បីអាចធ្វើចរាចរបាននៅក្នុងទីផ្សារ៕

ព៌តមានជាប់ទាក់ទង

ស៊ីរី របស់អាយហ៊្វូន និយាយថា ទូរស័ព្ទល្អជាងគេគឺ Nokia Lumia 900

ក្រុមហ៊ុនសេមសុន ចេញម៉ូដែលទូរទស្សន៍ដែលបំរើសេវាច្រើនមុខចូលគ្នា

ក្រុមហ៊ុនអិលជី ចេញទូរស័ព្ទ Optimus LTE2 ដែលមាន ២GB RAM

ក្រុមហ៊ុនអ៊ិនអ៊ីស៊ី (NEC) ប្រកាសចេញ កុំព្យូទ័រតូចស្តើង LaVie Z

About Author

k.hak

(0) Readers Comments

Leave a Reply Cancel reply

Advertise Here Advertise Here

ប្រាក់ចំណេញត្រីមាសទី៤ HTC ធ្លាក់ហៅលែងឮ
ក្រុមហ៊ុនយក្សចែកចាយទូរស័ព្ទយក្សតៃវ៉ាន់ HTC បានបង្ហាញរបាយការណ៍ប្រាក់ចំណូលត្រីមាសទីបួនឆ្នាំ២០១១ កន្លងទៅនេះបានឲ្យដឹងថា មានការធ្លាក់ចុះបើធៀបទៅនឹងត្រីមាសកន្លងទៅឆ្នាំដូចគ្នា។ នេះបើតាមការចេញផ្សាយរបស់គេហទំព័រEngadget កាលពីថ្ងៃទី ៦ កុម្ភៈកន្លងទៅ។ របាយការណ៍ដដែលក៏បានបង្ហាញតួលេខជាក់ស្ដែងពីទំហំទឹកប្រាក់ចំណេញពេញឆ្នាំ២០១១កន្លងទៅថា បានទទួលរងការខាតបង់រហូតដល់ទៅ ១១,៨៨ ភាគរយ ក៏ប៉ុន្តែបើក្រឡេកមើលពីប្រាក់ចំណូលដែលលក់Device សរុបវិញបានកើនឡើងរហូតដល់ ៦៧,០៩ភាគរយ។ ជាក់ស្ដែងតួលេខ ក្នុងក្រាហ្វិកបានបង្ហាញថា ចាប់ពីត្រីមាសទីមួយ ឈានចូលត្រីមាសទីពីរ និងទីបី សន្ទុះនៃការលក់របស់ក្រុមហ៊ុននេះហាក់នៅទទួលបានការគាំទ្រច្រើន ដោយតួលេខមានការកើនឡើងជាលំដាប់ ប៉ុន្តែចូលមកដល់ត្រីមាសចុងក្រោយឆ្នាំ២០១១ដដែលវិញ គឺទំហំនៃការចែកចាយDevice លើទីផ្សារបានធ្លាក់ចុះរហូត៣៤,៤០% ដែលចំនួននេះទាបជាងបរិមាណលក់បានក្នុងត្រីមាសទីមួយទៅទៀត។ ដើម្បីឆ្លយតបទៅនឹងភាពអវិជ្ជមាននេះ HTC បានបង្ហាញការរំពឹងទុកថា សម្រាប់ត្រីមាសទីមួយ ឆ្នាំ២០១២ ថ្មីនេះ ប្រាក់ចំណូលរបស់ខ្លួននឹងងើបឡើងវិញយ៉ាងហោចក៏ ៣០ភាគរយ ដែរ ព្រោះដោយសារតែ ដៃគូប្រកួតប្រជែងធំៗពីរគឺ Samsung និងApple កំពុងតែច្បាំងគ្នា។
Apple ប្រើឥទ្ធិពលរបស់ខ្លួន បង្ខំមិនអោយ អ្នកផ្គត់ផ្គង់ ផលិត ផលិតផលដូចខ្លួន ទៅអោយ គូរប្រកួតប្រជែង
ទំនាក់ទំនងពាណិជ្ជកម្មរវាង Apple និងក្រុមហ៊ុនផ្គត់ផ្គង់បច្ចេកវិទ្យា Pegatron Technology កំពុង ត្រូវបានគេ ចោទសួរ នេះបើតាមរបាយការណ៍មួយ ដែលបានរាយការណ៍ថា Apple បានប្រើ ឥទ្ធិពលរបស់ខ្លួន បញ្ជារអោយ Pegatron បញ្ឈប់ ការផលិត កុំព្យូទ័រយួរដៃ ទំងន់ស្រាល (Ultrabook) របស់ Asustek បើមិនដូច្នោះទេ Apple នឹងបញ្ឈប់ ការកម្ម៉ង់ ផលិតឧបករណ៍ iOS ដែលរួមមាន iPhone និង iPad… នេះបើតាម អត្ថបទមួយពី វ៉ិបសាយ China Times របស់ចិន។ វ៉ិបសាយនេះ បានអោយដឹងថា […]
IPv6 ចេញជាសាកលខែមិថុនានេះហើយ!
ថ្មីៗនេះគេហទំព័រសារព័ត៌មាន BBC បានចុះផ្សាយថា IPv6 ត្រៀមខ្លួនរួចជាស្រេចដើម្បីបង្ហាញខ្លួនលើពិភពអ៊ីនធឺណិតនៅថ្ងៃទី ៦ ខែ មិថុនាខាងមុខនេះហើយ។ IPv6 គឺជាប្រព័ន្ធ net address ថ្មីដែលបានបង្កើតឡើងដើម្បីជំនួសឲ្យ protocol IPv4 សព្វថ្ងៃដែលកំពុងពេញនោះ។ ជាទូទៅប្រព័ន្ធ IPv4 អាចផ្ទុក IP address បានចំនួន ៤ រយពាន់ IP តែដោយសារតែកំណើននៃ smartphones កុំព្យូទ័រ និង web devices ផ្សេងៗទៀតដែលជាហេតុធ្វើឲ្យ IPv4 ពេញ។ អញ្ចឹងវាដល់ពេលហើយដែលគ្រប់ស្ថាប័នពាណិជ្ជកម្មលើប្រព័ន្ធអ៊ីនធឺណិតទាំងអស់ត្រូវរៀបចំខ្លួនដើម្បីប្ដូរមកប្រើ IPv6 standard វិញដែលអាចផ្ទុក IP address […]
iPad ធ្វើឲ្យក្មេងៗនៅចិនឈ្លក់វង្វេ
ឪពុកម្ដាយជនជាតិចិនជាច្រើនបានសម្ដែងនូវការព្រួយបារម្ភនិងធ្វើការត្អូញត្អែរថាពិបាកនឹងនាំយកកូនៗរបស់ខ្លួនឲ្យវិលត្រឡប់ចូលទៅសាលារៀនវិញណាស់បន្ទាប់ពីវិស្សមកាលចូលឆ្នាំចិនដ៏យូរ ហើយអ្វីដែលរឺតតែពិបាកជានេះទៀតនោះគឺមិនអាចបញ្ឈប់កូនៗរបស់ពួកគេពីការឈ្លក់វង្វេងនឹងកាដូថ្មី iPad2 ដែលកំពុងពេញនិយមរបស់ក្រុមហ៊ុន Apple។ នេះដោយយោងទៅតាមគេហទំព័រ micgadget។ ប្រភពខាងលើបានឲ្យដឹងថាមានកូនក្មេងជនជាតិចិនជាច្រើនបានទទួលកាដូ iPad ពីឪពុកម្ដាយនិងញៀនជាមួយ gadget ថ្មីនេះយ៉ាងខ្លាំងក្នុងកំឡុងពេលវិស្សមកាលចូលឆ្នាំចិនកន្លងទៅថ្មីៗនេះ។ តែទោះជាយ៉ាងនេះក្ដី ឪពុកម្ដាយមួយចំនួនបានសង្កេតឃើញថាកូនៗរបស់ពួកគេមិនព្រមចេញឆ្ងាយពី tablet របស់ពួកគេឡើយហើយថែមទាំងប្រកែកតវ៉ាខ្លាំងៗថែមទៀតនៅពេលដែលឪពុកម្ដាយពួកគេព្យាយាមយក iPad ចេញពីពួកគេ។ ទាក់ទិនទៅនឹងបញ្ហាខាងលើនេះមានអ្នកម្ដាយជនជាតិចិនសុំមិនបញ្ចេញឈ្មោះម្នាក់បានសម្ដែងនូវការព្រួយបារម្ភថា iPad នឹងនាំមកនូវផលអវិជ្ជមានលើការសិក្សារបស់កូនគាត់ តែបើតាមអ្នកជំនាញផ្នែកអប់រំក្នុងស្រុកវិញបានធ្វើការស្នើថា ឪពុកម្ដាយគ្រប់រូបមិនគួរឈ្លោះប្រកែកជាមួយកូនៗរបស់ពួកគេដោយសារបញ្ហានេះទេ ពួកគេគួរតែគោរពតាមការជ្រើសរើសរបស់ក្មេង។ អ្នកជំនាញបន្ថែមថា អាណាព្យាបាលគួរតែកំណត់ពេលវេលាច្បាស់លាស់មួយសម្រាប់ការលេង iPad របស់កូនៗពួកគេ។ តាមពិតទៅ iPad អាចផ្ដល់នូវបរិយាកាសសិក្សាមួយដ៏ប្រសើរសម្រាប់ក្មេងៗ ព្រោះtablet ថ្មីនេះគឺជាឧបករណ៍សិក្សាថ្មីទំនើបដែលអាចផ្លាស់ប្ដូររបៀបនៃការសិក្សារបស់ក្មេង។ តែអ្វីដែលត្រូវគិតគូរនោះគឺកម្មវិធីប្រភេទណាដែលអាណាព្យាបាលគួរបញ្ចូលសម្រាប់កូនៗ មិនមែនមានតែ angry birds ឬ fruits ninja នោះឡើយ៕