Speaker ឬMicrophon

* ព៌តមានថ្មីៗ តន្ត្រី — 13 February 2012

ថ្មីៗនេះគេហទំព័រ geeky-gadgets បានចុះផ្សាយពីឧបករណ៍បំពងសម្លេងម៉ូតថ្មីម្យ៉ាងរាងដូច Microphone មានឈ្មោះថា Microphone MP3 Speaker រចនាម៉ូតដោយក្រុមហ៊ុន Molla Space សម្រាប់ប្រើប្រាស់ជាមួយទូរស័ព្ទដៃ ដែលមានរន្ធដោតកាសប្រវែង 3.5mm។

ឧបករណ៍បំពងសម្លេងម៉ូតថ្មីនេះរចនាឡើងឲ្យមានរាងតូចស្អាតទាន់សម័យ និងបង្កើតឡើងសម្រាប់មិត្តយុវវ័យក៏ដូចជាអ្នកដែលចូលចិត្តតន្ត្រីផងដែរ។ Microphone MP3 Speaker មានវិមាត្រ 1.5 x 1.5x 3 អ៊ីញព្រមជាមួយនឹងឌុយដែលអាចប្រើជាមួយគ្រប់ឧបករណ៍តន្ត្រីឬទូរស័ព្ទដែលមានរន្ធ audio jack ទំហំ ៣,៥ ម.ម ដូចជា iPhone, Galaxy SII ជាដើម។

លក្ខណៈពិសេសរបស់ Speaker ដដែលនេះគឺទំហំតូចងាយស្រួលដាក់តាមខ្លួន និងប្រើថ្មប្រភេទlithium-ion អាចសាកបានដោយប្រើ USB និងកាន់បានរយៈពេល ៤ម៉ោង។

Microphone MP3 Speaker មានពីរពណ៌សម្រាប់ជ្រើសរើសដូចជា ប្រាក់និងមាសដែលអាចរកទិញបានតាមរយៈគេហទំព័រMolla Space តម្លៃ ២៤ដុល្លារ៕

ព៌តមានជាប់ទាក់ទង

ស៊ីរី របស់អាយហ៊្វូន និយាយថា ទូរស័ព្ទល្អជាងគេគឺ Nokia Lumia 900

ក្រុមហ៊ុនសេមសុន ចេញម៉ូដែលទូរទស្សន៍ដែលបំរើសេវាច្រើនមុខចូលគ្នា

ក្រុមហ៊ុនអិលជី ចេញទូរស័ព្ទ Optimus LTE2 ដែលមាន ២GB RAM

ក្រុមហ៊ុនអ៊ិនអ៊ីស៊ី (NEC) ប្រកាសចេញ កុំព្យូទ័រតូចស្តើង LaVie Z

About Author

Vanroth

(0) Readers Comments

Leave a Reply Cancel reply

Advertise Here Advertise Here

Googleចង់ដំឡើងស្ថានីយផ្កាយរណបបន្ថែម
ក្រុមហ៊ុន Google ថ្មីៗនេះ កំពុងសម្លឹងមើលគម្រោងសាងសង់ស្ថានីយដោយមានបំពាក់ទៅដោយថាសផ្កាយរណបទទឹង ៤,៥ ម៉ែត្រនៅទីក្រុង Council Bluffs នៃ រដ្ឋIowa ដែលស្ថិតនៅភាគបស្ចិមសហរដ្ឋអាមេរិក។ នេះដោយយោងតាមគេហទំព័រ The Verge ចេញផ្សាយកាលពីថ្ងៃចន្ទ ទី ២០ កុម្ភៈម្សិលមិញ។ ក្រុមហ៊ុន Fiber របស់ Google កាលពីពេលថ្មីៗនេះបានប្រកាសពីគម្រោងពង្រាយកាបអុបទិកនៅក្រុង Kansas ដោយបានរៀបចំសំណុំបែបបទសាធារណៈទៅ FCC ក្នុងគោលបំណងចង់សាងសង់ស្ថានីយផ្កាយរណបពីរនៅ Council Bluffs។ គម្រោងនេះធ្វើឡើងសម្រាប់បម្រើឲ្យសេវាកម្ម Analog, digital audio, ទិន្នន័យ និងវីដេអូ។ ស្ថានីយទាំងពីរដែលស្នើសុំនេះ នឹងអាចទទួលសញ្ញា C-band និងមួយទៀតអាចទទួល Ku-band។ ដោយសារតែទីតាំងជាយនៃ […]
Yahoo ត្រៀមកាត់បន្ថយបុគ្គលិករាប់ពាន់នាក់
គេហទំព័រសារព័ត៌មាន Reuters បានឲ្យដឹងកាលពីថ្ងៃម្សិលមិញនេះថា នាយកប្រតិបត្តិថ្មីរបស់ Yahoo កំពុងរៀបចំធ្វើកំណែទម្រង់ថ្មីទ្រង់ទ្រាយធំមួយទៅលើក្រុមហ៊ុនអ៊ីនធឺណិតនេះ ហើយកំណែទម្រង់នោះក៏នឹងរាប់បញ្ចូលទាំងការកាត់បន្ថយបុគ្គលិករាប់ពាន់នាក់ផងដែរ។ កំណែទម្រង់រចនាសម្ព័ន្ធថ្មីនេះអាចនឹងប្រកាសយ៉ាងឆាប់បំផុតនៅចុងខែមិនា និងអាចបង្ហាញពីការប្រែប្រួលខ្លាំងស្ថិតក្រោមការដឹកនាំរបស់នាយកប្រតិបត្តិ Scott Thompson ដែលជាអតីតប្រធាន Paypal និងបានឡើងកាន់តំណែងនៅ Yahoo កាលពីខែមករា។ ដោយយោងតាមរបាយការណ៍របស់ AllThingsDigital.com ដោយដកស្រង់ប្រភពមិនបញ្ជាក់ឈ្មោះនោះបានឲ្យដឹងថា ការផ្លាស់ប្តូរនេះនឹងធ្វើឲ្យ Yahoo ផ្តោតលើក្រុមផលិតផល រួមទាំងការស្រាវជ្រាវ ការធ្វើទីផ្សារ និងទំនាក់ទំនងសាធារណៈ និងមុខជំនួញផ្សេងៗទៀតដែលមិនមែនជាស្នូលនៅក្នុងក្រុមហ៊ុន។ Yahoo បានសរសេរនៅក្នុងអ៊ីមែលមួយថា “ដូចដែលយើងបានចង្អុលបង្ហាញ ភាពដឹកនាំរបស់យើងនឹងធ្វើឲ្យមានការផ្លាស់ប្តូរយុទ្ធសាស្ត្រជាដុំកំភួនទៅលើ Yahoo ប៉ុន្តែការសម្រេចចិត្តចុងក្រោយនៅមិនទាន់បានធ្វើឡើងនៅឡើយទេ”។ គួរបញ្ជាក់ផងដែរថា គិតត្រឹមចុងឆ្នាំ ២០១១ Yahoo មានបុគ្គលិកទាំងអស់ប្រមាណ ១៤.១០០ នាក់៕
ត្រៀមទទួល Google Free 5GB Online រឺនៅ?
សេវា cloud storage របស់ក្រុមហ៊ុន Google នឹងបង្ហាញខ្លួនជាផ្លូវការនៅសប្ហាហ៍ក្រោយនេះហើយបន្ទាប់ពីលេច— រូប Google Drive ដែលបានអះអាងថានឹងផ្ដល់ជូនទំហំ 5GB ដោយឥតគិតថ្លៃកាលពីដើមខែមេសាកន្លងមក ថ្មីៗនេះ។យោងតាមឯកសារដែលចេញពីដៃគូសហការមួយរបស់ក្រុមហ៊ុន Google បានឲ្យដឹងថាសេវាថ្មីនេះពិតជាផ្ដល់ជូនទំហំ 5GB សម្រាប់គ្រប់អ្នកប្រើប្រាស់ទាំងអស់ដូចដែលព័ត៌មានបានចេញផ្សាយមែន។ ប្រភពខាងលើបានបញ្ជាក់បន្ថែមថា Google Drive អាចប្រើបានជាមួយនឹងកុំព្យូទ័រដូចជា Mac និង Windows តែមិនបានពន្យល់ប្រាប់ពីរបៀបប្រើនោះទេ។សូមបញ្ជាក់ថាគូប្រជែងដ៏ធំជាងគេរបស់ Google នៅក្នុងជំនួញសេវាកម្មថ្មីនេះគឺ Dropbox ជាសេវា cloud storage ដូច Google Drive ដែរក៏ប៉ុន្តែផ្ដល់ជូនទំហំផ្ទុកទិន្នន័យដោយឥតគិតថ្លៃត្រឹមតែ 2GB ប៉ុណ្ណោះ។តើសេវាថ្មីរបស់ Google ពិតជាអាចប្រជែងជាមួយ Dropbox […]
iPad ធ្វើឲ្យក្មេងៗនៅចិនឈ្លក់វង្វេ
ឪពុកម្ដាយជនជាតិចិនជាច្រើនបានសម្ដែងនូវការព្រួយបារម្ភនិងធ្វើការត្អូញត្អែរថាពិបាកនឹងនាំយកកូនៗរបស់ខ្លួនឲ្យវិលត្រឡប់ចូលទៅសាលារៀនវិញណាស់បន្ទាប់ពីវិស្សមកាលចូលឆ្នាំចិនដ៏យូរ ហើយអ្វីដែលរឺតតែពិបាកជានេះទៀតនោះគឺមិនអាចបញ្ឈប់កូនៗរបស់ពួកគេពីការឈ្លក់វង្វេងនឹងកាដូថ្មី iPad2 ដែលកំពុងពេញនិយមរបស់ក្រុមហ៊ុន Apple។ នេះដោយយោងទៅតាមគេហទំព័រ micgadget។ ប្រភពខាងលើបានឲ្យដឹងថាមានកូនក្មេងជនជាតិចិនជាច្រើនបានទទួលកាដូ iPad ពីឪពុកម្ដាយនិងញៀនជាមួយ gadget ថ្មីនេះយ៉ាងខ្លាំងក្នុងកំឡុងពេលវិស្សមកាលចូលឆ្នាំចិនកន្លងទៅថ្មីៗនេះ។ តែទោះជាយ៉ាងនេះក្ដី ឪពុកម្ដាយមួយចំនួនបានសង្កេតឃើញថាកូនៗរបស់ពួកគេមិនព្រមចេញឆ្ងាយពី tablet របស់ពួកគេឡើយហើយថែមទាំងប្រកែកតវ៉ាខ្លាំងៗថែមទៀតនៅពេលដែលឪពុកម្ដាយពួកគេព្យាយាមយក iPad ចេញពីពួកគេ។ ទាក់ទិនទៅនឹងបញ្ហាខាងលើនេះមានអ្នកម្ដាយជនជាតិចិនសុំមិនបញ្ចេញឈ្មោះម្នាក់បានសម្ដែងនូវការព្រួយបារម្ភថា iPad នឹងនាំមកនូវផលអវិជ្ជមានលើការសិក្សារបស់កូនគាត់ តែបើតាមអ្នកជំនាញផ្នែកអប់រំក្នុងស្រុកវិញបានធ្វើការស្នើថា ឪពុកម្ដាយគ្រប់រូបមិនគួរឈ្លោះប្រកែកជាមួយកូនៗរបស់ពួកគេដោយសារបញ្ហានេះទេ ពួកគេគួរតែគោរពតាមការជ្រើសរើសរបស់ក្មេង។ អ្នកជំនាញបន្ថែមថា អាណាព្យាបាលគួរតែកំណត់ពេលវេលាច្បាស់លាស់មួយសម្រាប់ការលេង iPad របស់កូនៗពួកគេ។ តាមពិតទៅ iPad អាចផ្ដល់នូវបរិយាកាសសិក្សាមួយដ៏ប្រសើរសម្រាប់ក្មេងៗ ព្រោះtablet ថ្មីនេះគឺជាឧបករណ៍សិក្សាថ្មីទំនើបដែលអាចផ្លាស់ប្ដូររបៀបនៃការសិក្សារបស់ក្មេង។ តែអ្វីដែលត្រូវគិតគូរនោះគឺកម្មវិធីប្រភេទណាដែលអាណាព្យាបាលគួរបញ្ចូលសម្រាប់កូនៗ មិនមែនមានតែ angry birds ឬ fruits ninja នោះឡើយ៕