Google+ បើកដៃឲ្យក្មេងៗ!

* ព៌តមានថ្មីៗ — 31 January 2012

អ្នកដែលអាចបង្កើតគណនី Google+ បានគឺសម្រាប់តែមនុស្សពេញវ័យប៉ុណ្ណោះ ដែលក្បួនច្បាប់នេះ បានចាប់ផ្ដើមឡើងតាំងពីពេលដែលបណ្ដាញសង្គមនេះបង្កើតឡើងកាលពីខែមិថុនា ឆ្នាំ២០១០ មកម្លេះ។ ប៉ុន្ដែ យោងតាមសារប័ត៌មាន huffpost បានបង្ហាញថា ចាប់ពីពេលនេះតទៅ Google+ បានអនុញ្ញាតិឲ្យក្មេងៗចូលក្នុង Google+ ដែរហើយ ពោលគឺ ចាប់ពីអាយុ ១៣ឆ្នាំឡើងទៅ ដូច Facebook ដែរ។

មូលហេតុដែល Google+ ពន្យាពេលសម្រាប់អ្នកមិនទាន់គ្រប់អាយុរហូតដល់ពេលនេះ គឺមិនមែនដោយសារក្នុង Google+ មានរឿងផ្ដេសផ្ដាសរបស់មនុស្សពេញវ័យនោះទេ ប៉ុន្ដែមកពី Google ចង់ទុកពេលសម្រាប់កែសម្រួលឲ្យបានគ្រប់ជ្រុងជ្រោយជាមុនសិន។

ក្រោយពីឆ្លងកាត់រយៈពេលប៉ុន្មានខែដំបូងនៃការសាកល្បង Google បានគិតថា វាសមល្មមនឹងដល់ពេលដែលត្រូវបើកទូលាយជាងមុនហើយ។ លោក Bradley Horowitz ដែលជាប្រធានផ្នែកផលិតផលរបស់ Google បានថ្លែងថា Google ចង់ជួយឲ្យក្មេងៗ អាចកសាងនូវទំនាក់ទំនងដ៏មានអត្ថន័យតាមរយៈអនឡាញ។

គួរបញ្ជាក់ផងដែរថា មុនពេលអនុញ្ញាតិឲ្យក្មេងអាយុ១៣ឆ្នាំឡើង Google បានធ្វើការប្រឹក្សាយោបល់យ៉ាងច្រើនជាមួយនឹងក្រុមអ្នកជំនាញខាងសុវត្ថិភាពកុមារ ដើម្បីការពារកុំឲ្យមានបញ្ហាទៅថ្ងៃក្រោយ។

ចាប់ពីពេលនេះតទៅ ក្មេងជំទង់ដែលមានអាយ១៣ ដល់១៨ នឹងអាចមានគណនីដូចគ្នាស្ទើគ្រប់ផ្នែកនៃគណនីរបស់មនុស្សពេញវ័យ។ Google មិនបានដាក់កំហិតខុសគ្នាខ្លាំងរវាងអ្នកក្រោម១៨ និងអ្នកលើស១៨ឆ្នាំនោះទេ ដើម្បីផ្ដល់ឲ្យអ្នកប្រើប្រាស់ទាំងអស់នូវសិទ្ធិសេរីភាពក្នុងការបញ្ចេញមតិពួកគេទៅកាន់មិត្តភក្ដិ ឬទៅកាន់ពិភពលោកទាំងមូល។

ទោះបីជាមិនមានការបញ្ជាក់ពី Google ក៏ដោយ ក៏គេអាចមើលឃើញយ៉ាងច្បាស់ថា Google កំពុងធ្វើយ៉ាងណាទាក់ទាញអ្នកប្រើប្រាស់ឲ្យបានច្រើន ដើម្បីប្រជែងជាមួយ Facebook។

ព៌តមានជាប់ទាក់ទង

ស៊ីរី របស់អាយហ៊្វូន និយាយថា ទូរស័ព្ទល្អជាងគេគឺ Nokia Lumia 900

ក្រុមហ៊ុនសេមសុន ចេញម៉ូដែលទូរទស្សន៍ដែលបំរើសេវាច្រើនមុខចូលគ្នា

ក្រុមហ៊ុនអិលជី ចេញទូរស័ព្ទ Optimus LTE2 ដែលមាន ២GB RAM

ក្រុមហ៊ុនអ៊ិនអ៊ីស៊ី (NEC) ប្រកាសចេញ កុំព្យូទ័រតូចស្តើង LaVie Z

About Author

Vanroth

(0) Readers Comments

Leave a Reply Cancel reply

Advertise Here Advertise Here

Anonymous គម្រាមរដ្ឋាភិបាលចិន!
ក្រុម hacker ដ៏ល្បី Anonymous កាលពីថ្ងៃព្រហស្បតិ៍ម្សិលមិញនេះបានចេញមុខមកអះអាងទទួលខុសត្រូវថាខ្លួនបានវាយលុកគេហទំព័ររដ្ឋាភិបាលរបស់ប្រទេសចិនកាលពីសប្ដាហ៍មុនដើម្បីតវ៉ាលើច្បាប់ដ៏តឹងរ៉ឹង និងអយុត្តិធម៌ របស់ប្រទេសចិនពិតមែន។ នេះដោយយោងតាមគេហទំព័រ bgr។ក្រុម hacker ខាងលើនេះបានសរសេររៀបរាប់នៅលើគេហទំព័រមួយរបស់ចិនថា ” អស់រយៈពេលជាច្រើនឆ្នាំមកហើយដែលរដ្ឋាភិបាលកុម្មុយនិស្តរបស់ចិនបានអនុវត្តិច្បាប់អយុត្តិធម៌ លើប្រជាជនរបស់ខ្លួន”។ដូចនេះ Anonymous បានសរសេរដាស់តឿនប្រទេសចិនក្នុងគម្រោងវាយលុកលើកក្រោយៗទៀតថា “ជូនចំពោះរដ្ឋាភិបាលចិន អ្នកមិនភ័នច្រឡំទេថ្ងៃនេះគេហទំព័ររបស់អ្នកពិតជាបានវាយលុកមែន ហើយថ្ងៃស្អែកជាថ្ងៃដែលរបបអប្រិយរបស់អ្នកបរាជ័យ”។អត្ថន័យរបស់Anonymous បន្តថា “កុំសង្ឃឹមថាពួកយើងនឹងលើកលែងឲ្យអ្នក ហើយអ្វីដែលអ្នកបានធ្វើទៅលើប្រជាជនស្លូតត្រង់របស់អ្នកថ្ងៃនេះនឹងសងទៅអ្នកវិញនៅថ្ងៃស្អែក។ គ្មានអ្វីដែលអាចបញ្ឈប់ពួកយើងបានឡើយសូម្បីតែកំហឹង ឬអាវុធរបស់អ្នកក៏ពួកយើងមិនខ្លាចដែរ”។ ជាងនេះទៀតក្រុម hacker ខាងលើបានណែនាំប្រជាជនចិនទាំងអស់ឲ្យសម្លឹងមើលអ្វីដែលល្អៗ និងប្រាប់ពួកគេកុំឲ្យអស់សង្ឃឹមព្រោះបដិវត្តន៍និងចាប់ផ្ដើមចេញពីក្នុងចិត្ត។គួររំលឹកផងដែរថាកាលពីពេលថ្មីៗនេះ Anonymous បានប្រកាសប្រាប់ពីគម្រោងការបិទប្រព័ន្ធអ៊ីនធឺណិតកាលពីថ្ងៃសៅរ៍សប្ដាហ៍មុនដើម្បីប្រឆាំងតវ៉ានឹងច្បាប់ SOPA ក៏ប៉ុន្តែគម្រោងការនេះមិនបានអនុវត្តន៍ទៅតាមអ្វីដែលបានប្រកាសនោះទេ៕
Panasonic បង្ហាញកាមេរ៉ាឌីជីថលសេរីថ្មី 2គ្រឿង
ថ្មីៗនេះក្រុមហ៊ុន Panasonic បានបង្ហាញនូវកាមេរ៉ាឌីជីថលសេរីថ្មីគឺ Lumix DMC-ZS20 ដែលជាកាមេរ៉ាទំនើបអាចធ្វើការ Zoom រហូតដល់ទៅ 20 ដង និងមានទំហំសរុបដល់ទៅ 24mm x 480mmនិងមានមុខកាមេរ៉ាទំហំ1.1-inch ងាយស្រួលមើលជាទីបំផុតរីឯទំហំនៃការថតរូបភាពនោះគឺមានរហូតដល់ទៅ 14-megapixel គឺវាពិតជាច្បាស់ មែនទែន ហើយអាចថតវីឌីអូបានក្នុងទំរង់ HD 60p AVCHD ។ រីឯកាមេរ៉ាឌីជីថលមួយប្រភេទទៀតដែលបានបង្ហាញព្រមគ្នានោះគឺ ZS15 ជាកាមេរ៉ាដែលមានទំហំនៃការថតត្រឹមតែ 12-megapixel និងអាចធ្វើការ Zoom បានត្រឹមតែ 15 ដងទេ ។ ជាមួយនិងកាមេរ៉ាទាំង2ប្រភេទខាងលើនេះវិញគឺនឹងត្រូវដាក់លក់នៅខែមិនា ខាងមុខនេះជាមួយនិងតំលៃរបស់វាគឺប្រភេទ ZS20 ( 349.99$) និងប្រភេទ ZS15 (279.99$) រីឯពណ៌របស់វាវិញគឺ ZS20 មានពណ៌ខ្មៅ , ស , […]
Razer បញ្ចូលបច្ចេកវិទ្យា Tablet/PC សម្រាប់ដំណើរការហ្គេមដ៏ទំនើប
យើងដឹងហើយថា Razer គឺជាក្រុមហ៊ុនល្បីឈ្មោះផ្នែកផលិតឧបករណ៍ផ្នែករឹងឬ Hardwareសម្រាប់លេងហ្គេម។ ពេលនេះ Razer បានបង្កើតផលិតផលថ្មីគឺ Razer Gaming tablet/PC hybrid ដែលជាគំនិតថ្មីដែលគេហៅថា Project Finoa ។វាគឺជាការរួមបញ្ចូលគ្នារវាង PC និង Tablet ក្លាយជាទម្រង់បច្ចេកវិទ្យាថ្មីមួយ។ ចំពោះ Razer Gaming tablet/PC hybrid វាបំពាក់ដោយ CPU Intel Core i7 processor និងបច្ចេកវិទ្យាសម្រាប់លេងហ្គេមដែលមានតម្រូវការប្រព័ន្ធកម្រិតខ្ពស់ ដែលវាដំណើរការជាមួយ OS : Windows 7 និង Windows 8។ Razer […]
ចរចាមិនត្រូវ Source code Symantecខ្ទេច
ថ្មីនេះក្រុមហ៊ុនប្រព័ន្ធសុវត្ថិភាពSymantec បានឲ្យដឹងថាមានHacker មួយក្រុមបានព្យាយាមគំរាមទារលុយពីក្រុមហ៊ុនជាថ្នូរនឹងការរក្សាទុក source code ឲ្យមានសុវត្ថិភាព។ នេះដោយតាមគេហទំព័រសារព័ត៌មាន bbc។ ប្រភពខាងលើបានឲ្យដឹងថា ទីភ្នាក់ងារពង្រឹងច្បាប់បានតាំងខ្លួនជានិយោជិកក្រុមហ៊ុន Symantec ដោយដាក់ឈ្មោះក្លែងក្លាយថា Sam Thomas រួចផ្ញើអ៊ីមែលជាសាធារណៈមួយទៅកាន់ក្រុម Hacker ក្នុងគោលបំណងផ្ដល់ប្រាក់ ៥ម៉ឺនដុល្លារទៅឲ្យក្រុម Hackerជាថ្នូរនឹងការរក្សាទុក source code ឲ្យមានសុវត្ថិភាព។ ក្នុងនាមជា Sam ទីភ្នាក់ងារខាងលើបានប្រាប់ក្រុម Hacker ថាក្រុមហ៊ុនអាចបង់ប្រាក់ឲ្យពួកគេ ២៥០០ដុល្លារ ក្នុងមួយខែក្នុងរយៈពេល៣ខែដំបូង ជាថ្នូរទៅនឹងការចេញនូវសេចក្ដីប្រកាសជាសាធារណៈមួយថាអ្វីៗដែលក្រុម Hacker បានប្រកាសកន្លងមកជាការកុហកនោះទេ។ ពេលដែលប្រកាសរួចក្រុមហ៊ុននឹងបង់ ប្រាក់ដែលនៅសល់៥ម៉ឺនដុល្លារ ទៀតចូលទៅក្នុងគណនេយ្យរបស់ពួកគេ។ តែទីបំផុតក្រុម Hacker មានការសង្ស័យថា Sam ជាភ្នាក់ងារ FBI បន្ទាប់មកsource code ជាច្រើនត្រូវបានចេញជាសាធារណៈបន្ទាប់ពីការចរាចរបរាជ័យ។ […]